CONCURSU DE DIBUXU DE L'ANGULERU 2025

Dende la estaya de llingua del C.P. Montevil, vamos a participar tolos cursos nesti concursu tán navidiegu.... ¡¡¡Muncha suerte pa toes y toos!!!

BASES DEL CONCURSU

Convócase'l Concursu de dibuxu y pintura de L’Anguleru 2025 con arreglu a les siguientes bases:

1- Van Poder participar tolos y toles escolines que cursen les etapes d'Infantil y Primaria.

2- La temática va tratar sobro los personaxes de L’Anguleru, Lolina, el Nataliegu, la Navidá asturiana y L’Angulina (la chalana de L’Anguleru).

3- Podrá participase utilizando tou tipu de técniques de pintura: ceres, acuareles, rotuladores, lápices, témperas… etc.

4- Les obres podrán presentase al traviés de dos víes:

• Entrega en mano nel Acuariu de Xixón o al traviés de carta: Les obres van presentar en papel en formatu A4 y nun van poder llevar nengún agregu que sobresalga o pueda desapegase (boles, fueyes, cachos d'otru material, etc.) La dirección ye Acuariu de Xixón (Pa concursu de L´Anguleru) – Sablera de Poniente s/n – Xixón 33212
• Al traviés de corréu electrónicu. va realizase xuna semeya o se va escaniar el papel formatu A4 que nun va poder llevar nengún agregu que sobresalga del foliu. L'arquivu va unviar a la dirección infolanguleru.com. Si se realiza un semeya del dibuxu va tener que tener calidá y tar enfocada.

5- Establécense cinco categoríes:

• Primer ciclu d'Infantil (0-3 años)
• Segundu ciclu d'infantil (3-6 años)
• 1u. y 2u. de Primaria
• 3u. y 4u. de Primaria
• 5u. y 6u. de Primaria

van apurrise trés premios per categoría:

• Primer premiu: Diploma, regalu de L’Anguleru, la garulla (revoltixu) y pase añal familiar pa 4 persones al Acuariu de Xixón.
• Segundu premiu: Diploma, garulla (revoltixu) y pase añal individual pal Acuariu.
• Tercer premiu: Diploma, garulla (revoltixu) y pase añal individual pal Acuariu.

6- Les obres van apurrise col nome y apellíos, edá, cursu académicu y localidá nel aviesu de la obra al pie de un númberu de teléfonu de contactu. Nel casu de ser unviaes per corréu electrónicu, el númberu de teléfonu va incluyir nel email.

7- El plazu de recepción de les obres remata'l 31 d'avientu. Los y les ganadores van dar a conocer al empezar les clases nel mes de xineru na web www.languleru.com y nel Facebook de L’Anguleru

8- El xuráu va tar compuestu por miembros de l'Asociación Garabuxada y l'Acuariu de Xixón.

9- Toles obres van pasar a ser propiedá de la organización que va poder faer usu de les mesmes como envalore oportunu.

10- La participación nel concursu supon l'aceptación d'estes bases.

Más info:

🔗Concursu de dibuxu de L'Anguleru 2025